Жүрек аритмиясы

Аритмия – бұл жүрек ырғағының бұзылу патологиясы. Жүрек соғу жиілігі себепсіз артуы немесе төмендеуі мүмкін, артық соққылар байқалуы мүмкін немесе, керісінше, олар болмауы мүмкін.

СЕБЕПТЕРІ 

Жүрек-қантамыр жүйесінің жұмысының бұзылуына және, нәтижесінде, аритмияға әкелетін себептер мыналар болуы мүмкін: 

• туа біткен және тұқым қуалайтын патологиялар;
• жүрек жеткіліксіздігі;
• ишемиялық немесе гипертониялық жүрек аурулары;
• миокардиттер, кардиомиопатиялар;
• қант диабеті;
• қалқанша без аурулары;
• темекі шегу, алкогольді шамадан тыс тұтыну;
• шамадан тыс физикалық жүктемелер;
• стресс;
• белгілі бір препараттарды қабылдау.

Алайда, идиопатиялық аритмия бар, онда аурудың себебін анықтау мүмкін емес. 

СИМПТОМДАР

Аритмияның белгілері мыналар:

• жүректің жиі (минутына 90 соққыдан астам) немесе төмен (минутына 50 соққыдан аз) соғуы;
• жүректің ритмсіз соғуы;
• кеуде қуысының ауруы;
• тыныс алудың қиындауы, бас айналуы, сирек жағдайда естен тану;
• бас ауыруы;
• жылдам шаршау.

Алайда, аритмияның белгілері әрдайым айқын байқалмайды. Патология симптомсыз дамып, қарапайым тексеру кезінде анықталуы мүмкін.

ДИАГНОСТИКА

Диагноз қою үшін дәрігер келесі зерттеулерді тағайындай алады:

• электрокардиограмма (ЭКГ);
• холтердік мониторинг (мониторинг 24 сағат және одан көп уақытқа созылады);
• эхокардиография (жүректің ультрадыбыстық зерттеуі);
• қан анализі. 

ЕМДЕУ

Аритмияны емдеуде дәрілік немесе хирургиялық әдістер қолданылады.

Дәрімен емдеуде бета-адреноблокаторлар, кальций арналарын блокаторлар, статиндер, антиаритмиялық препараттар және т.б. қолданылады.

Хирургиялық емдеу тек дәрілік емдеу тиімді болмаған жағдайда қолданылады. Операция кезінде аритмия түріне байланысты кардиостимулятор немесе дефибриллятор имплантацияланады. 

Егер патологияның пайда болу себебі стресс, алкогольді шамадан тыс тұтыну немесе темекі шегу болса, негізгі фактор олардың зиянды әдеттерден аулақ өмір салтына ауысуы болып табылады. 

АСҚЫНУЛАР

Аритмияны уақытылы емдемеудің ауыр салдары болуы мүмкін, мысалы:

• инсульт;
• тоқыраулы жүрек жеткіліксіздігі;
• миокард инфаркті;
• дисциркуляторлық энцефалопатия;
• өлім.

АЛДЫН АЛУ

Аритмияның алдын алудың негізгі әдісі - ауруды уақытында анықтау үшін тұрақты медициналық тексеру. Сондай-ақ, алдын алу шараларына барлық жағымсыз әсер етуші факторларды жоққа шығару, шамадан тыс физикалық жүктемелерден аулақ болу және дұрыс тамақтану жатады.