Вегетариандық — еттен жасалған өнімдерді қоспаған тамақтану жүйесі.
Вегетариандар кез келген жануарлар, құстар, балықтар және басқа да теңіз жәндіктерінің етін тамаққа қолданбайды, бірақ мәзірге жұмыртқа, сүт, бал және жануарлар мен жәндіктер өндіретін басқа да өнімдерді қосады.
Вегетариандықтың келесі түрлері бар:
Вегетариандық индуизм, буддизм және джайнизм секілді дін-философиялық көзқарастардың бөлігі ретінде ежелден бері қолданылады. Басқа діни жүйелері бар елдерде вегетариандықтың таралуы периодты түрде болады, жиі сән түрінде көрінеді.
Сонымен қатар, вегетариандық диета ретінде атеросклероз, жүрек ишемиялық ауруы, созылмалы іш қату, бүйрек аурулары, дивертикулез, семіздік сияқты ауруларда қолданылады.
Вегетариандықтың айтарлықтай төмендететініне сенеді:
жүрек-қан тамыр аурулары,
диабет,
катаракта,
семіздік,
депрессия.
Екінші жағынан, вегетариандар арасында тоқ ішек рагы жиі кездеседi.
«Жұмсақ» вегетариандық организмге қажетті барлық заттарды (ақуыз, витаминдер, микроэлементтер) толығымен қамтамасыз етеді. «Қатал» вегетариандықта және вегандықта мәзірде ақуыз, кальций, Д витамині, омега-3 қанықпаған май қышқылдары жеткіліксіз болады және В12 витамині мүлдем болмайды.
В12 витаминінің болмауы ауыр ауруларға әкеледі: гепатит және бауыр циррозы, атеросклероз, сал ауруы, қатерлі анемия. В12 витамині тапшылығы бар аналар сүтін емген нәрестелерде ауыр патологиялар пайда болады. Диетолог дәрігерлер мұндай жағдайда В12 витаминін препараттар немесе тағамдық қоспалар түрінде қабылдауға кеңес береді.
