Терапия

Терапия - бұл ішкі мүшелер ауруларын зерттеуге және емдеуге бағытталған медицинаның ең кең ауқымды салаларының бірі.

Диагностика: терапевт әдетте «алғашқы тексеру дәрігері» болып табылады, оған ішкі мүшелер ауруларының кез келген белгілерімен жүгінеді. Барлығына таныс учаскелік дәрігерлер де әдетте терапевтер. Терапевт науқасты сұрастырып, тексеру жүргізеді, дене температурасын және артериялық қан қысымын өлшейді, жүрек пен өкпені тыңдайды. Симптомдарға байланысты зертханалық талдауларды (қан, зәр), рентген, УДЗ және т.б. тағайындайды. Зерттеу нәтижелері бойынша диагноз анық болса, терапевт ем тағайындайды. Егер тар мамандандырылған дәрігердің кеңесі қажет болса, терапевт нақты маманға жолдама береді.

Емдеу: терапевт әдетте дәрілік препараттарды (таблеткалар, сұйық дәрілер, бұлшықет ішіне немесе тамырішілік инъекциялар, сыртқы препараттар), фитотерапияны, физиопроцедураларды тағайындайды, диета, өмір салты туралы кеңестер береді.

Ауру белгілері, олармен терапевт айналысады, зақымдалған органға байланысты.

• Қабыну процестері: жоғары температура, қалтырау, қызба, буын-буынның сырқырауы, мұрыннан су ағу, жөтел, түшкіру.
• Ас қорыту жүйесі: іштің ауыруы, іш қату, диарея (іш өту), кекіру, қыжылдау, жүрек айнуы, құсу, тәбеттің төмендеуі, метеоризм, көздің немесе терінің сарғаюы.
• Тыныс алу жүйесі: жөтел, ентігу, тұншығу ұстамасы, кеуде қуысының ауыруы.
• Жүрек-қан тамыр жүйесі: аритмия, жүрек ырғағының бұзылуы, ентігу, бас айналу, әлсіздік; кеуде, арқа, жауырын, сол қолдың шынашағының ауыруы; артериялық қан қысымының жоғарылауы немесе төмендеуі, шаршағыштық, терінің бозаруы.
• Қан айналу жүйесі: әлсіздік, шаршағыштық, бас айналу, естен тану, тез салмақ жоғалту, тәбеттің болмауы, терінің көгеруі.
• Бүйрек аурулары: жоғары температура, аяқтың ісінуі және көздің астындағы «қаптар», белдегі ауыру, ауырсынулы немесе жиі несеп шығару, зәрдегі көрінетін қоспалар, жүрек айнуы, құсу.
• Инфекциялық аурулар: жоғары температура, бөртпе, қышу, жүрек айну, құсу, диарея (іш өту), лимфа түйіндерінің ұлғаюы.
• Ревматикалық аурулар: буындардағы, бұлшықеттердегі, омыртқадағы ауырсыну сезімі, қимыл белсенділігінің төмендеуі, қозғалғанда қиындықтар, қозғалғанда ауырсыну, жоғары температура.
• Аллергиялық аурулар: мұрыннан су ағу, түшкіру, көз және терінің қызаруы, түрлі бөртпелер, қышу, ісіну, тыныс алудың қиындауы.
• Иммундық жүйе: әлсіздік, шаршағыштық, температураның аздап жоғарлауы, тершеңдік, жиі суық тиіп ауыру.

Аурулар: гипертензия (гипертония), аритмия, жүректің ишемиялық ауруы (ЖИА), инфаркттан кейінгі күй, күрделі хирургиялық операциялардан кейінгі күй; ЖРВИ (ОРЗ), грипп, суық тию, ангина, пневмония, астма, бронхит, созылмалы обструктивті өкпе ауруы (СОӨА); гастрит, жара, бауыр циррозы, созылмалы гепатиттер, панкреатит, холецистит; артрит, артроз, радикулит, ревматизм; анемия, диатез; пиелонефрит, гломерулонефрит; созылмалы шаршау синдромы.