Лапароскопия - ішкі ағзаларға шағын (әдетте 0,5—1,5 см) тесіктер арқылы операция жасайтын заманауи хирургиялық әдіс. Әдетте лапароскопиялық операциялар құрсақ немесе жамбас қуыстарының ағзаларына жасалады.
Лапароскоп — бұл линзалар жүйесі, бейнекамера, шам, қысқыштар, коагулятор, кескіш құрал (троакар) және т.б. қамтитын құрал.
Лапароскопия көмегімен хирургтар аппендиксті, өт қабын алып тастау, тоқ және тіке ішекке операция жасау, гинекологиялық операциялар сияқты кең ауқымды операциялар жасайды. Операция үшін іш қуысын көмірқышқыл газбен шарға ұқсатып толтырып, бірнеше тесік жасайды.
Лапароскопияның артықшылықтары - аз жарақаттылық және науқастың ауруханада қысқа уақыт болу мерзімі, операциядан кейін тез қалпына келу, ауырсынудың болмауы, операциядан кейінгі тыртықтардың болмауы. Лапароскоп 40 есеге дейін ұлғайтуды қамтамасыз етеді, яғни операция микроскоп астында жасалғандай болады.
Лапароскопияның кемшіліктеріне операция аймағындағы қозғалыс ауқымының шектеулігі, бұрмаланған қабылдау, тінге қолданылатын күші дәл бағалай алмау кіреді, бұл жарақаттардың пайда болуына әкелуі мүмкін. Қан тамырлары немесе ішектің зақымдалу және перитонит дамуынап тәуекелдері үлкен.
Операция кезінде құрсақ қуысына енгізілген барлық көмірқышқыл газы шығарылмайды, бұл диафрагмадағы қысымнан жағымсыздық пен ауырсынуды тудырады.
