Зертхана

Медициналық зертхана — денсаулық сақтау жүйесінің мекемесі немесе емдеу-профилактикалық немесе санитарлық-профилактикалық мекемелердің құрылымдық бөлімшесі, әртүрлі медициналық зерттеулерді жүргізуге арналған.

Медициналық зертханалардың негізгі түрлерінің бірі — клиникалық-диагностикалық зертхана. Онда жалпы клиникалық, гематологиялық, биохимиялық, иммунологиялық, цитологиялық, серологиялық, микробиологиялық және басқа да зерттеулер жүргізіледі.

Зертханалық талдаулар мен зерттеулер барлық дерлік ауру түрлерін диагностикалауда қолданылады. Зертханалық зерттеулерді ең белсенді жұқпалы ауру дәрігерлері, венерологтар, ревматологтар, терапевтер, педиатрлар, гастроэнтерологтар, онкологтар, гепатологтар және басқалары қолданады.

Емдеу. Зертханалық талдаулар негізінде дәрігерлер диагнозды нақтылап, ем тағайындайды және түзетеді.

Симптомдар. Зертханалық зерттеулер көбінесе мынадай белгілер болғанда тағайындалады:

жоғары температура
тоңу, әлсіздік, сырқырау
жөтел, түшкіру
тамақ ауруы
тері және шырышты қабаттардың қышуы
бөртпе
буындар мен бұлшықеттердің ауыруы
іштің ауыруы
жүрек айну, құсу
диарея (іші өту)
іш қатуы
склера және тері сарысы.

Аурулар. Зертханалық талдаулар мен зерттеулер мынадай ауруларды диагностикалау үшін қажет:

ЖРА, тұмау
ангина, тонзиллит, ларингит және жоғарғы тыныс алу жолдарының басқа да қабыну аурулары
бронхит, пневмония, трахеит және төменгі тыныс алу жолдарының басқа да қабыну аурулары
гастрит, энтероколит, холецистит, гепатит және ас қорыту жүйесінің басқа да аурулары
отит, ринит, гайморит, фронтит, синусит және ЛОР мүшелерінің басқа да аурулары
миокардит, перикардит, эндокардит
венерологиялық, гинекологиялық, урологиялық аурулар
цистит, пиелонефрит, гломерунефрит және бүйрек пен зәр шығару жүйесінің басқа да аурулары
дерматиттер
конъюнктивит және басқалары