Акушерлік – бұл жүктілік кезіндегі, босану мен босанғаннан кейінгі әйел ағзасында болатын қалыпты және патологиялық процестерді зерттейтін медицинаның бір саласы. Акушер-дәрігерлер жүктілік, босану және іштегі баланың дамуы кезіндегі асқынуларды болдырмау мен емдеу әдістерімен айналысады.
Диагностика. Ерте кезеңдегі жүктілікті анықтау үшін ХГЧ (адам хорионикалық гонадотропин) қан анализін, кешірек ультрадыбыстық зерттеуді қолданады.
Емдеу. Жүктілікті бақылау, босануды қабылдау және жүктілік аурулары мен асқынуларын емдеуді акушер-гинеколог дәрігері жүргізеді. Ол баланың дамуын және жүкті әйелдің жағдайын бақылайды, босанғаннан кейінгі күтімді қадағалайды.
Белгілер. Жүктіліктің басталуы алдымен етеккірдің тоқтауымен, жатырдың пішіні мен өлшемінің өзгеруімен (мүмкін белгілер) байқалады. Мұндай белгілер, мысалы, жүрек айнуы, құсу, тәбеттің өзгеруі, кейбір иістерді қабылдамау, емшек ауырсынуы, тітіркенгіштік, ұйқышылдық, көбінесе күмәнді болып саналады және барлық әйелдерде міндетті түрде байқала бермейді. Сенімді белгілер жүректің соғуы мен іштегі баланың қимылы болып табылады.
Мына белгілер байқалғанда дереу дәрігерге қаралу керек: қатты құсу, іштің ауыруы, қынаптан қан кету, аяқтардың қатты ісінуі, 12 сағат бойы (2-3 триместрде) іштегі баланың қозғалысының болмауы.
Аурулар: жатырдан тыс жүктілік, токсикоз, анемия, жүктіліктің үзілу қаупі, түсік тастау, плацентаның алдын ала орналасуы, гестоз, аз су немесе көп су, преэклампсия және эклампсия.
