Құрметті оқырмандарымыз!
Біз арманымызға бір қадам жақынбыз! Біз алдымызға қызмет аясын кеңейтіп, бүкіл Қазақстанды қамту мақсатын қойдық, елімізде сапалы медицинаның дамуына аз да болса үлес қосуға тырысамыз! Енді пациенттеріміз ең жақсы дәрігерді немесе клиниканы тек Алматыда ғана емес, Семейде де таңдай алады.
Бұл мақалада біз қыркүйек айындағы Семей қаласының ең үздік дәрігері туралы айтып береміз.
Сонымен танысыңыздар - Зуриканов Қайрат Сұңғатович, кардиолог, жоғарғы санатты дәрігер, жұмыс өтілі 20 жыл. Ересек тұрғындарды консультациялап, кез келген күрделі кардиологиялық ауруларды диагностикалайды. 2007 жылы біліктілігін арттыру курстарынан өткен - Израиль, Ресей, 2013 жылы - Франция, Сингапур, Үндістан.
«Дәрігер – кәсіпқой!», «Тамаша, білімді дәрігер», «Тәжірибелі, жақсы маман», «Зуриканов Кайрат Сунгатович өте білікті маман. Өз жұмысын тыңғылықты орындайды. Алғысым шексіз», - деп пациенттер дәрігер жайлы пікір білдіреді.
Біз Қайрат Сұңғатұлын осы атақпен құттықтадық, дәстүрлі дипломды табыс еттік және оның мамандығына қатысты бірнеше сұрақ қойдық.
- Қайрат Сұңғатұлы, сіздің ойыңызша неге стенокардия, миокард инфаркті, инсульт сияқты қауіпті аурулар кенеттен пайда болады? Өйткені ауру пайда болғаннан кейін ғана адамдар жүрек денсаулығын және басқа да нәрселерді қадағалау керектігі туралы ойланатын сияқты.
- Мүмкін, бұл адамның психологиясы. «Дауыл болмағанда, шаруа крестімейді» деген мақал бар. Зиянды әдеттерден бас тартқымыз келмейді, дұрыс тамақтанбаймыз, стресске жиі ұшыраймыз. Әрине, көп адам «жүгірмесең, кім отбасын асырайды» деп айтуы мүмкін. Түсінемін! Бірақ, дегенмен бәрі адамның өзіне байланысты. Біздің уақытта өмірді стресcсіз елестету өте қиын. Бірақ стресс түрлі-түрлі болады, стресстің үш түрі бар: біріншісі, созылмалы стресс, ол кезде ишемиялық жүрек аурулары мен инсульттар жүреді; екіншісі, мықты жүйке күйзелісі, жақын адамынан айырылу немесе бақытсыз оқиға әсерінен болатын күйзеліс, мұндай күйзелісте жедел инфаркт, жүрек талмасы пайда болады. Үшіншіден, денсаулыққа пайдалы деп саналатын қысқа мерзімді стресс болады, бұл стресс түрінен кейін қанағаттану сезімі қалады, мысалы, жобаны тапсыру мерзімі, толқытатын іс-шаралар және т.с.с.
- Жүрек ауруларының алдын алу бойынша сіздің ұсыныстарыңыз қандай? Жүрек ауруларынан қалай сақтануға болады?
Жақсы сұрақ. Келесіні айтамын:
- Ең маңыздысы - дұрыс тамақтануды реттеу (жылдам көмірсуларды азайту, фаст фудтан бас тарту, мәзірге балық, көкөністер мен жемістер қосу, әсіресе ұйықтар алдында шектен тыс тамақ ішпеу).
- Спорт — бұл қарапайым таңертеңгі жаттығу, қысқа жүгіру, таңертеңгі қарқынды жүру.
- Денсаулықты ұйқы (6-8 сағат ұйқы, күннің екінші жартысында кофе ішпеу, ұйықтар алдында теледидар көрмеу және әлеуметтік желілерді қарамау).
- Зиянды әдеттерден бас тарту (алкоголь, темекі).
- Стрестi басқару. Бұның қалай екенін сұрасаңыз? Әрине, күнделікті стресстен құтылу мүмкін емес, бірақ оны басқаруға тырысу қажет (медитация, йога, тыныс алу жаттығулары).
- Жүрек бұлшықетін жаттықтыру үшін не физиологиялық тұрғыда тиімдірек: жүру ме, әлде жүгіру ме? Немесе күштік жаттығулар ма?
- Спорттық медицинада спортшының жүрегі деген термин бар - бұл негізінен пульстің төмендеуімен көрінетін жұмыс қабілеті жоғары жүрек. Ал жүгіруге, жүруге және күш жаттығуларына келетін болсақ, адам өзі үшін шешуі керек, бірақ кез келген жағдайда шамадан тыс жүктемеу керек. Күш жаттығуларымен айналысатын және ақуыздар, протеиндер, анаболиктер қабылдайтын адамдар бар.
- Қазіргі уақытта жүрек пен қан тамырларының денсаулығына арналған ББҚ-лар өте танымал, мысалы Омега-3. Бұл туралы сіздің пікіріңіз қандай? Бұл миф пе әлде дәлелденген факт пе?
- БАД-тарға қатысты ештеңе айта алмаймын, мүмкін, тіпті, айтқым да келмейді. Өйткені мен дәстүрлі дәрігермін, тәжірибелік медицинада жұмыс істеймін, онда барлық дәрі-дәрмектер науқастарға дәлел деңгейі мен ұсыныс класы бойынша тағайындалады. Ал Омега-3-ке келетін болсақ – бұл сол балық майы (қанықпаған майлы қышқылдар).
- Қарапайым адамдарға жүрек ұстамасы мен инсульт белгілерін қалай анықтауға болады? Неге назар аудару керек?
- Егер адамда қан қысымы жиі көтерілсе, күнделікті жүктемені (жүздену, баспалдақпен көтерілу сияқты) орындай алмау байқалса, адам міндетті түрде дәрігерге қаралуы қажет.
Инсульт белгілерін есте сақтау үшін FAST аббревиатурасын есте сақтауға болады. Бұл инсультты тез анықтайтын тест. Әр әріп ағылшын тілінде: F - face (бет асимметриясы), A – arm (екі қолды немесе аяқты көтеру мүмкін емес), S — speech (анық емес сөйлеу немесе науқасқа жүгінуге жауап болмауы), T–time (уақыт). Ең бастысы - уақыт, медициналық көмек неғұрлым ертерек және тез көрсетілсе, науқастың толық қалпына келу және қалыпты өмірге оралу мүмкіндігі соғұрлым жоғары болады.
Медициналық көмек күткенде науқасты арқасына жатқызып, басын бір жағына бұру керек, ешқандай дәрі-дәрмек, су немесе темекі беруге болмайды.
Қазіргі уақытта біздің елде скрининг тәжірибесі бар, егер оны уақтылы өткізсе көптеген ауруларды ерте анықтап, бақытсыздықты болдырмауға болады.
- Қызметімізді пайдаланушыларға тілектеріңіз?
- Ең алдымен денсаулық, сергектік және энергия тілегім келеді. Ол үшін бұрын айтқандай, дұрыс тамақтану, дене шынықтырумен айналысу және стрессті басқару қажет. 35 жасқа дейін денсаулық өзінен-өзі болатын нәрсе деп қабылданады, кейіннен сау болу үшін күш-жігер жұмсап, онымен жұмыс жасау керек, сонда ол бізді қартайғанша тастамайды.
Семей қаласы бойынша дәрігерлерге жазылу үшін тәулік бойы сайтқа өтінім қалдыра аласыз, жұмыс уақытында бізге +7 (707) 22 55 009 телефондар арқылы қоңырау шалуға немесе Whats’App. арқылы жазуға болады.
