Өткен жолы мен емханалардағы тегін емдеу туралы жаздым. Бірақ егер сізге ауруханаға жату қажет болса, онда квота алу керек. Шындығында, квота ресми атауы емес, заң бойынша ол 'жоғары мамандандырылған медициналық көмек' немесе ЖСМК деп аталады.
Сонымен, ауруханаға жату керек деген шешімді өзіңіз емес, сіздің емханадағы емдеуші дәрігер арқылы ЖСМК комиссиясы қабылдайды. Егер емдеуші дәрігерде ауыр ауру туралы күдік болса, ол сізді тар мамандарға жібереді. Кейін тар маман тексерістен өткізіп, қажетті анализдерді алғаннан кейін, пациентті құжаттар пакетімен ЖСМК комиссиясына қарауға жібереді. Егер комиссия шынымен сізге ауруханаға жату қажет деген шешім қабылдаса, емдеуші дәрігер сізге квотаға жолдама береді. Бұл жолдамадағы тіркеу нөмірі арқылы пациент ауруханаларда госпитализация үшін бос орындарды Республикалық госпитализация бюросының веб-сайтында өзі қадағалай алады немесе бұл үшін сіздің емдеуші дәрігер айналысады.
Хабардар болыңыз. Біздің Telegram арнаға жазылыңыз https://t.me/TopDocKz.
Квотамен кез-келген Қазақстан азаматы пайдалана алады, бірақ кезек тәртібімен. Сондықтан квота - бұл жай ғана электрондық кезек.
ЖСМК комиссиясына жалпы қан талдауын, жалпы несеп талдауын, паразиттердің бар-жоғын анықтау үшін нәжіс талдауын, кеуде қуысының флюорографиясын, кейбір жағдайларда электрокардиограмма тапсыру қажет.
Анализ нәтижелері тек 10 күнге жарамды екенін есте сақтау керек.
Квота тексеру, емдеу, операция, дәрі-дәрмек және тамақ шығындарын жабады.
ЖСМК комиссиясының квота беруден бас тартуы негізделген болуы керек.
Егер сізге жоғары технологиялық медициналық қызметтер қажет болса, онда квотаны поликлиника емес, Денсаулық сақтау басқармасы береді.
Жоғары білікті көмекті пациент тек біздің ауруханаларда ғана емес, шетелде де ала алады, бірақ бұл туралы келесі мақаламызда.
Сау болыңыздар!
| Башанов Жанибек СерикбаевичЗаңгер ‘Қазақстандық бизнес заңгерлер’ РҚО директоры ‘Құқықтық кеңесші’ ЖШС директоры ‘Suleiman & partners’ заңгерлік фирмасының серіктесі 14 жылдан астам тәжірибе
|
