Жоба 18 маусымда, Денсаулық сақтау қызметкерлері күнінде басталып, 2017 жылдың соңына дейін жалғасады. Жеңімпаздар үш номинация бойынша анықталады:
Ең үздіктерді алғаш рет тек пациенттер таңдайды, олар дәрігердің қабылдауында болған немесе байқауға қатысқан клиниканы аралаған. Дәрігерге барғаннан кейін пациент TopDoc.me сайтында өз пікірін қалдыра алады. Әрбір пациенттің дауысы қорытынды жасау кезінде ескеріледі.
Байқаудың формуласы қарапайым: жеңімпаз ең көп оң пікірлер мен ұсыныстар жинаған дәрігер болады.
Байқау туралы барлық ақпарат сайттың арнайы бетінде жарияланған www.topdoc.me/best-doctor-2017/. Онда сондай-ақ байқауға қатысқысы келетін медициналық орталықтар мен дәрігерлер тіркеле алады.
«Біздің медицина, мемлекеттік те, жеке меншік те, көп сынға ұшырайтыны құпия емес. Біздің мақсатымыз - дәрігерлер мен пациенттер арасындағы өзара түсіністікті жақсарту, - дейді компания директоры Ерлан Бажеков. - Біз медициналық мекемелердің жұмыс сапасын арттыру үшін жаңа ынталандыру бергіміз келеді. Ал ең бастысы - ең үздік дәрігерлер туралы айту».
Бас серіктес ретінде Alnair Medical компаниясы - жоғары сапалы медициналық жабдық жеткізушісі қатысады.
«Біз әріптестік ететін TopDoc.me жобасы осы байқаудың бас серіктесі болуды ұсынды. Бұл біз үшін үлкен мәртебе, және осыған байланысты менің шешімім мынадай, - деді өз шешімін түсіндірді компанияның вице-президенті Алишер Давлетов. - Қазақстанның денсаулық сақтау жүйесінде медицинаның әртүрлі салаларында көптеген дәрігерлер еңбек етуде, біздің дәрігерлер бұл мамандыққа толықтай беріле қызмет етеді, бұл ұлт денсаулығын сақтау үшін өте қажет және маңызды. Мұндай байқау өте маңызды және қажет, себебі ол емдеу-алдын алу мекемелерінің, дәрігерлердің қызметін дәл солардың жұмысын бағалайтын адамдардан, яғни пациенттерден бағалауға мүмкіндік береді және соңында медициналық қызметтерді қалай жақсарту керектігін, дәрігерлік біліктілікті жетілдіру және бұл медициналық мекемелердің қалай даму керектігін түсінуге көмектеседі. Мен Topdoc.me жобасы аясында өтетін алғашқы байқау біздің денсаулық сақтау жүйеміз үшін жақын болашақта ерекше маңызға ие болатынына және кеңейіп, тереңдеп, одан әрі маңызды және қызықты болатынына сенімдімін».
Байқау үшін арнайы есептегіш іске қосылады, рейтингте тек байқау барысында пациенттерден алынған пікірлер ескерілетін болады. Жарыстың көшбасшылары арнайы таблодан көрсетілетін болады. Байқаудың аралық нәтижелерін ай сайын талқылаймыз.
Байқау әлеуметтік бағытты ұстанып, ешқандай коммерциялық құрамдас бөліктері болмайтынын ұйымдастырушылар ерекше атап өтеді.
TopDoc.me қызметі барлық адамдарды ең үздік дәрігерді халықтық дауыс беру арқылы таңдауға қатысуға шақырады!»
