Смағұл Қайшыбаев атындағы неврология және нейрореабилитация институты

Жалпы мәліметтер

Смағұл Қайшыбаев атындағы Неврология институтының ғылыми-практикалық орталығы 2008 жылдың 5 қарашасында құрылды және неврология саласындағы мамандардың үкіметтік емес қауымдастығы болып табылады.

Смағұл Қайшыбаев атындағы Неврология институтының ғылыми-практикалық орталығы өзінің миссиясын қатаң ұстанады және миссияда анықталған принциптер мен стандарттарды қамтамасыз етуге күш салады.

Біздің миссиямыз – ұлт денсаулығына қамқорлық жасау.

Смағұл Қайшыбаев атындағы Неврология институтының ғылыми-практикалық орталығы – неврология өнері мен ғылымын ілгерілету және пациенттерге неврологиялық көмек көрсету арқылы олардың өмір сапасын арттыру үшін құрылған медицина мамандары қауымдастығы.

Мақсаттары:

• Қазіргі заманғы стандарттарға сай мамандарды (дәрігерлер мен орта медицина персоналын) постдипломдық неврологиялық оқытуды ұйымдастыру, дамыту және қолдау;
• Неврология саласындағы зерттеулерді дамыту;
• Неврологиялық көмек көрсететін медициналық мекемелердің қызметін үйлестіру;
• Неврологиялық көмекке қол жеткізуді қамтамасыз ету.

2009 жылдың қазан айында Қазақстанның Неврологтар Лигасы Дүниежүзілік Неврология Федерациясына (World Federation of Neurology - WFN) қабылданды. Бұл оқиға бізге әлемдік деңгейдегі зерттеу жұмыстарында білім алуға және қатысуға мүмкіндік ашады.