Себорея

Себорея - тері май бездерінің дұрыс жұмыс істемеуінен туындайтын терінің ауыру жағдайы.

Себорея келесі түрлерде болады:

• құрғақ (майлы бөлінудің төмендеуі): бұл үлкен көлемдегі қайызғақпен, құрғақ, бүрісіп қалған шаштармен көрінеді;
• майлы: жасөспірімдік кезеңде қыздарда жиі кездеседі – бет терісінде майлылық, жылтырлық, безеулер пайда болады; ерлерде шаш түсуін (алопеция) тудыруы мүмкін;
• аралас: әртүрлі бөлімдеріндегі майлы және құрғақ себореяның үйлесімі.

Диагностика

Дерматолог, трихолог немесе косметолог анамнез жинайды, себореяның дамуының тәуекелдерін анықтайды (жас, тұқымқуалаушылық, эндокриндік аурулар), науқасты қарайды, қажет болғанда келесі зерттеулерді тағайындайды:

• трихограмма;
• зақымдалған тіндердің гистологиялық анализі;
• қанның биохимиялық анализі;
• гормон деңгейіне тесттер;
• іш қабы мен қалқанша безінің ультрадыбыстық зерттеуі.

Зерттеу нәтижелері бойынша науқасқа андролог, гинеколог, эндокринолог кеңесі ұсынылуы мүмкін.

Симптомдар:

• тері майлылығының жылтырлығы;
• безеулер (акне);
• тері қабыршақтануы;
• тері қышуы;
• қайызғақ;
• шаш түсу.

Алғашқы көмек

Жыныстық жетілу кезеңінде беттегі (мұрында, маңдайда, иекте) себореяның орташа көріністері норма варианты болып табылады және емдеуді қажет етпейді. Безеулермен (акне) күрес бойынша ұсыныстарды біздің сайттағы тиісті мақалада оқуға болады. Алайда, егер безеулер мөлшері мен саны ұлғайса, бірігіп кетсе немесе қайызғаққа арналған кәдімгі шампуньдер әсер етпесе, дереу дерматологқа, косметологқа немесе трихологқа жүгіну қажет.

Емдеу

А, Е, С дәрумендерінен тұратын дәрумендік кешендерден басқа, жергілікті және жүйелі антифунгальды препараттар, антибиотиктер тағайындалады. Кейде санаторий-курорттық емдеу, физиотерапия ұсынылады.

Алдын алу

Себореяның алдын алу - арандатушы факторларды жою (майлы және тұзды тағамдар, алкоголь және тәтті сусындар; стресстер), белсенді өмір салты; бет және бас терісінің гигиенасы мен күтімі.

Себептер:

• жыныстық жетілу және басқа гормоналды өзгерістер;
• асқорыту жүйесінің аурулары; дұрыс тамақтанбау;
• созылмалы инфекциялар;
• стрестер мен невроздар;
• климаттың күрт өзгеруі;
• сілтілі жуғыш заттарды пайдалану;
• эндокриндік аурулар;
• стероидтарды, анаболиктерді, гормоналды препараттарды қабылдау.