Бронхит - бронхтардың шырышты қабығының қабынуы, қабырғалардың ісінуі және көп мөлшерде шырыш бөлінуімен сипатталады.
Бронхитті жедел және созылмалы түрлерге бөледі (жылына үш айдан астам уақытқа созылады). Созылмалы бронхит бронх қабырғаларының зақымдалуына әкелуі мүмкін. Созылмалы бронхиттің өршуі әдетте суық мезгілде болады. Темекі шегушінің бронхиті және шаңды бронхит деген жеке бөліктер бар.
Бронхит рентген, өкпені тыңдау, зертханалық сараптама — қанның жалпы сараптамасы арқылы диагноз қойылады.
Жедел бронхитті емдеу антибактериялық терапияға (қажет болған жағдайда), қақырық түсіретін дәрілер қабылдауға негізделеді. Сондай-ақ, көп сұйықтық ішу, бөлмені ылғалдандыру ұсынылады. Қатты ұзақ жөтел кезінде жөтелге қарсы препараттар тағайындалады. Ингаляция, фитотерапия, физиотерапия, массаж, тыныс алу гимнастикасы сияқты емдеу әдістері жиі қолданылады, бірақ олардың тиімділігінің толық дәлелдері жоқ.
Суықтаудан, улы заттарды деммен жұтудан, темекі шегуден аулақ болыңыз. Күшті ластанған ауа жағдайында респираторлар мен басқа да қорғаныс құралдарын қолданыңыз. Пневмококк, тұмау вирустары арқылы таралатын ауруларға қарсы вакцинация да ұсынылады.
