Неонатология – педиатрияның жаңа туылған нәрестелер мен туған алғашқы айлардың ішінде нәрестелерді зерттейтін, шала туған нәрестелер мен өмірлік функциялары бұзылған жаңа туылған нәрестелердің емдеуімен айналысатын бағыты. Осы мамандықтың дәрігері неонатолог деп аталады.
Диагностика. Бала туылғаннан кейін жағдайы бірден Апгардың (американдық реаниматолог дәрігер Вирджиния Апгар бойынша) он баллдық шкаласы бойынша бағаланады. Үш балдан төмен бағалау — жаңа туылған нәрестенің жағдайы сын көтермейді, жетіден жоғары бағалау — қалыпты жағдай.
Сильверман шкаласы кері жүйені қолданады — балл неғұрлым аз болса, баланың жағдайы соғұрлым жақсы болады.
Жаңа туылған нәрестелердегі бұзушылықтарды диагностикалауда зертханалық талдаулар, ультрадыбыстық зерттеу (УЗИ), рентген және басқалар қолданылады.
Емдеу. Емдеуді қажет ететін негізгі мәселе — бұл тыныс алу функциясының бұзылуы, ол шала туылғандық, асфиксия, сепсис, туа біткен кемістіктер, ішкі даму кешеуілдеуінен туындайды. Сондықтан емдеу өкпенің жасанды желдетуі арқылы баланың тыныс алу функциясын қамтамасыз етуге байланысты.
Симптомдар:
Аурулар: шала туу, туа біткен асфиксия, сепсис және басқа инфекциялық аурулар, туу жарақаты, Даун синдромы, әртүрлі органдар мен жүйелердің туа біткен ақаулары.
