3 наурызда Алматыда жекеменшік денсаулық сақтау саласындағы өзекті мәселелер бойынша медициналық орталықтардың басшылары мен қызметкерлеріне арналған «Медициналық компания менеджменті» семинары өтті, деп хабарлайды arnapress.kz.
Семинар TopDoc.me бірыңғай дәрігер іздеу қызметі мен AG Partners компаниясының бизнесін дамыту және сату саласындағы кәсіби кеңесшілері бірлесіп ұйымдастырды.
Іс-шараны TopDoc.me қызметінің жетекшісі Ерлан Бажеков ашып, медициналық саладағы менеджмент және маркетинг мәселелерін көтерудің маңыздылығын атап өтті. Қазіргі уақытта медициналық салада маркетинг бойынша білімдерімен бөлісетін ақпарат көздері мен тәжірибелі мамандар өте аз болғандықтан, мұны істеу қажет.
Семинар барысында қатысушылар медициналық орталықты басқару процесінде кездесетін мәселелер мен проблемаларды қызу талқылады.
Медициналық қызметкерлердің миссиясы – адамдарды емдеу. Сондықтан жеке клиникалардың басшылары көбінесе клиникалық саланы дамытып, медициналық қызметтердің сапасы ғана емес, олардың «қаптамасы» да маңызды болатын жоғары бәсекелестік және пациенттермен байланыс арналарын көбейту жағдайында басқа бағытты назардан тыс қалдырады.
Семинарда негізгі назар стратегия әзірлеуге, маркетингке және қаржы басқаруға аударылды. Қызметкерлердің тұрақтамауымен және қызметтегі «кемшіліктерді» қалай жеңуге болады? Клиенттерді қалай тартуға болады? Қаржы ағындарын қалай болжау керек? – тыңдаушылар осы және басқа да сұрақтарға жауап ала алды.
Баяндамашылар ретінде келесі кәсіби мамандар сөз сөйледі:
Гульмира Сариева – консультациялық сату және бизнесті дамыту саласындағы сарапшы, MBA дәрежесі (Hult International Business School, Сан-Франциско, АҚШ);
Алма Толымбекова – бизнесті қайта ұйымдастыру, операциялық менеджмент және адам ресурстарын басқару саласындағы сарапшы, EMBA дәрежесі (Hult International Business School, Дубай, БАӘ)
Қатысушылардың пікірінше, семинар қызықты әрі пайдалы болды. Ол басқарудағы негізгі мәселелерді ашуға көмектесті.
Ұйымдастырушылар осындай тегін семинарларды тұрақты түрде өткізу жоспарларында бар екенін атап өтті.
Дереккөз: https://www.arnapress.kz/almaty/health/107527/?dt=m
